Skip to Main Content

O Bheal Deirg go Barra na Tra

Ireland Map
Ó Bhéal Deirg go Barra na Trá
Is in iarthuaisceart bharúntacht Iorrais atá Béal Deirg, Gleann na Muaidhe, agus Ceathrú Thaidhg. Tá cáil ar an gceantar seo mar gheall ar a áilleacht nádúrtha, ceantar ina bhfuil radharcanna suntasacha ó bharra na n-ailltreacha, cinn tíre, stácaí, agus uaimheanna a réab cumhacht na farraige ón mór thír. Cuirtear tús leis an turas suntasach seo ag Achaidh Chéide, turas a thugann an taistealaí thart le cósta. Níor athraigh saol na ndaoine anseo le fada an lá, tá an feilméar, an t-iascaire, an cniotálaí, an fíodóir agus an gabha i mbun a gcuid oibre agus bíodh go bhfuil athraithe ar an mbealach, is féidir na himeachtaí seo a fheiceáil go fóill ar thuras thríd Bharúntacht Iorrais.

Níos faide ar an mbóthar tá baile beag Gleann na Muaidhe. Cas ar thaobh na láimhe deise i dtreo Ceathrú Thaidhg agus ar do shuaimhneas thríd bóithre caola casta tiocfaidh an taistealaí ar bhailte iascaireachta Port Durlainne agus Ros Dumhach. Ar chuairt ar Sheanscoil Cheathrú Thaidhg is féidir os cionn 4,000 logainm a scrúdú ar léarscáileanna.

Ar ais go Gleann na Muaidhe agus cas taobh na láimhe deise ar feadh cúpla míle go mbuaileann tú leis an mbóthar go Poll a’ tSómhais. Níos faide siar an bóthar sin tá baile beag an Inbhear áit ar féidir cuairt a thabhairt ar “Bhaile Uí Fhlannghaile”. Lig do scíth ag Barr na Trá ar Loch na Ceathrún Móire.

« Ar ais